翻譯:惡之華/破爛嘅大鐘

本作品收錄於《Translation:惡之華》

位於顫抖同生煙嘅火焰嘅身影，
悠悠將遠方回憶喚醒，
而煙霧中歌唱嘅鐘聲，
喺冬夜既悅耳又令人不忍傾聽。

好在大鐘健壯嘅咽喉，
警醒又老而彌堅，
忠實噉發出敬虔嘅嘶吼，
似個老兵喺軍營度唔再休眠。

我嘅靈魂破爛，正值無聊乏味，
個鐘想唱歌填滿夜晚嘅寒氣，
佢嘅聲線經常被噤，

似被遺忘傷者厚重嘅囉音，
喺血泊旁邊，喺巨大屍堆沉溺，
步向死亡，紋風不動，竭盡全力。

 本譯文與其原文有分別的版權許可。譯文版權狀況僅適用於本版本。

原文	本作品在全世界都屬於公有領域，因為作者逝世已經超過100年，並且於1929年1月1日之前出版。
譯文	本作品在全世界都屬於公有領域，因為著作權所有者如此釋出。