翻译:恶之华/烟囱

本作品收录于《Translation:恶之华》

回忆之母，情妇之颠，
你啊，我所有嘅愉悦同责任，
你会记得我哋缠绵嘅美善、
炉边嘅甜蜜，同喺春宵倾心，
回忆之母，情妇之颠!

某夜由木炭嘅热点燃，
同喺烟囱畀粉色热气轻掩嘅某夜。
你心口于我系几咁软，心系几咁善!
我哋经常讲天长地久嘅嘢，
某夜由木炭嘅热点燃。

黄昏炎热，太阳绝美，
穹苍如此深奥，雄心如此刚强，
女神中嘅女王，我折腰于你，
自以为呼吸住你血液嘅芳香。
黄昏炎热，太阳绝美。

恍似围城嘅夜幕将天空侵略，
我双眼喺漆黑中谂住你嘅凝视，
我吞下你嘅吐息，系甘甜，又系毒药!
你对脚喺我充满兄弟爱嘅手上休止。
恍似围城嘅夜幕将天空侵略。

唤起快乐光阴嘅技艺，我已经深谙，
仲识再经历依偎喺你膝头嘅往昔。
除咗喺你娇躯同咁善良嘅心，

你慵懒嘅美，仲可以喺边度寻觅?
唤起快乐光阴嘅技艺，我已经深谙。

呢啲誓言、芳香、无尽嘅亲吻，
会唔会自深不可测嘅深渊重生?
好似洗刷喺深海嘅太阳日日新，
再向住天空飞腾。
誓言啊、芳香啊、无尽嘅亲吻!

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因为著作权所有者如此释出。