翻译:惡之華/我獻呢首詩畀你，好令我嘅名

本作品收錄於《Translation:惡之華》

我獻呢首詩畀你，好令我嘅名
順住清勁北風揚帆出海，
叫人嘅心思放浪形骸之外，
歡快噉向遙遠嘅時代起程。

你嘅記憶，就好似似是而非嘅童話，
況如叫人厭煩嘅鼓，
靠住情同手足又神秘嘅環箍，
一如以往喺我高傲嘅詩行上懸掛。

自深淵嘅底，到蒼天之外，
只有我會和應受詛咒嘅存在。
你啊，好似短暫身跡嘅瞬影，

踏住輕盈腳步，眼神靜止。
愚昧嘅凡人對你只有厭惡嘅感情，
啊黑玉眼嘅雕像，銅眉嘅天使!

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。