翻译:恶之华/女巨人

本作品收录于《恶之华》

嗰阵大自然生机盎然，
日常受孕，后代兽心兽面，
我早应该同后生嘅巨人度月年，
好似好肉欲嘅猫，喺女王脚边。

我会想见到佢灵肉共同盛放，
喺佢骇人嘅游戏中自由成长，
想像佢嘅心包藏住团焰光，
借潮湿迷雾喺双眼中荡漾。

喺佢叫人咋舌嘅形体穿梭，
匍匐喺巨大嘅膝头嘅山坡，
有时夏天毒辣慵懒嘅阳光，

令佢漫山遍野，唯馀莽莽。
随意以佢胸脯嘅影子为床，
况如山脚嘅一处和平村庄。

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因为著作权所有者如此释出。