翻译:惡之華/女巨人

本作品收錄於《惡之華》

嗰陣大自然生機盎然，
日常受孕，後代獸心獸面，
我早應該同後生嘅巨人度月年，
好似好肉欲嘅貓，喺女王腳邊。

我會想見到佢靈肉共同盛放，
喺佢駭人嘅遊戲中自由成長，
想像佢嘅心包藏住團焰光，
借潮濕迷霧喺雙眼中蕩漾。

喺佢叫人咋舌嘅形體穿梭，
匍匐喺巨大嘅膝頭嘅山坡，
有時夏天毒辣慵懶嘅陽光，

令佢漫山遍野，唯餘莽莽。
隨意以佢胸脯嘅影子為床，
況如山腳嘅一處和平村莊。

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。