翻译:惡之華/毒

本作品收錄於《Translation:惡之華》

酒可以令最罨耷嘅陋室
畀神奇嘅豪華蓋放，
令傳說中嘅柱廊
好似雲霧重重嘅天空中嘅落日，
浮現自紅霞嘅金黃。

鴉片叫無垠者更廣博，
拉長無窮，
加深時間，將愉悅掏空，
以漆黑茫然嘅快樂，
喺力所能及之外幫靈魂填充。

呢啲都比唔上你嘅毒液
喺你青色雙眼外赴，
佢係我顫抖嘅靈魂自我倒觀嘅湖......
我嘅遐想奔湧如鯽，
要解渴於深淵嘅澀苦。

呢啲都比唔上你唾液帶酸
佢呢個駭人嘅盛況，
無悔噉將我嘅靈魂投入遺忘，
挾帶住神迷目眩，
捲佢去死亡之岸，以無力嘅浪。

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。