翻译:惡之華/整全

←

我獻呢首詩畀你，好令我嘅名

整全 作者：夏爾·皮耶·波德萊爾 譯者：木枚

孤獨可憐嘅靈魂，你今晚會講咩?

本作品收錄於《Translation:惡之華》

魔鬼就喺今朝
嚟到我嘅高閣
想搵我毛病嚟挑，
話「有事想商榷，

令到佢叫人著迷
嘅美好事物者眾，
構成佢曼妙肉體
嘅紅黑物件當中，

邊一樣係最美好?」
我嘅靈魂啊，你噉答隻蟲蠹:
「佢內裡上下都係巖愛草
冇話邊樣可以偏好。

當一切令我歡喜，
對引誘我嘅嘢我唔顧盼。
佢耀眼似晨曦，
撫慰人心似夜晚。

佢曼妙肉體上纏繞
嘅諧和實在超卓，
以致要將記載佢身上各種協調
嘅任何分析都係薄弱。

千變萬化，道理不詳
我所有感官合一無兩，
佢嘅吐息奏出樂章，
就似佢聲線散發芳香。

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。