翻译:恶之华/红酒之魂

本作品收录于《Translation:恶之华》

某晚，红酒之魂喺樽入边歌唱：
“人啊，亲爱嘅你被剥夺继承，
琉璃之狱同腥红之腊喺我之上，
我要向你发出耀眼博爱嘅歌声！

喺火光中嘅山冈，我知需要几分
痛苦、汗水同灼热嘅阳光
先可以令我诞生同赋我灵魂，
但我唔会不知感恩同邪恶狂妄。

因为当我从攰如牛马嘅人嘅喉咙
坠落时嘅喜悦大得不可方物，
佢暖热嘅胸膛系座温柔嘅墓冢，
我系嗰度开心过喺自己嘅斗室。

你有冇听到礼拜日嘅副歌回荡
同喺我震颤嘅膛内啭鸣嘅希望？
你卷起袖，手踭喺台上安放，
你予我荣光，然后自觉舒爽。

我点燃你快活嘅老婆两眸，
给予你个仔力量同光华，
我会成为强化斗士肌肉嘅油，
为咗呢位人生嘅脆弱运动家。

我会堕向你呢个不断滋长嘅仙馐
同由不灭播种者抛掷嘅珍贵种子，
因为我哋嘅爱会赐予诞寿
畀如稀世之花绽向上帝嘅诗！

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因为著作权所有者如此释出。