翻译:恶之华/嗰个畀你妒忌嘅善心女仆

本作品收录于《Translation:恶之华》

嗰个畀你妒忌嘅善心女仆，
入睡于一片唔显眼嘅草绿。
我哋都应该送返几朵花畀佢。
可怜嘅死人承受嘅痛苦至巨，
十月嘅秋风恍似剪刀，
愁风吹向佢哋嘅石墓，
当然佢哋见到啲活人不知感恩，
如常啖喺温暖嘅被铺入边瞓紧。
但系冰冻嘅老骨畀幻想鲸吞，
独自入眠，对话都乏善可陈，
畀蛆虫喺佢身上动工，
感觉冬雪冇水喺当中。
无亲无故，感觉埋岁月流逝，
将悬挂喺铁栏前嘅烂布换替，
木材嘶嘶叫鸣嘅嗰晚好平静，
我睇到佢喺张扶手凳度坐定，
十二月有晚苍蓝又寒冷之际，
我发现佢喺我房嘅一角踎低，
神情凝重，从永恒嘅床深处嚟到，
包住经佢慈母嘅双眼养大嘅细路，
望住泪水从佢凹陷嘅眼睑掉落，
我仲点向呢个虔诚嘅灵魂反驳?

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因为著作权所有者如此释出。