翻译:惡之華/飛昇

本作品收錄於《惡之華》

喺池塘、深谷、高山之上、
越過叢林、白雲、大海、
然後到日光、蒼天之外、
窮盡埋星界嘅邊疆，

我嘅靈魂，你來去自如
好似泳將噉見到水就忘形，
懷住陽剛又難以言喻嘅高興
暢遊喺無垠空間各處。

你要一飛遠離帶毒嘅瘴氣，
喺雲上嘅空氣淨化自我，
再將填滿清澈宇宙嘅明火，
當成神聖嘅酒一嘗滋味。

厭倦加上憂愁滿盈，
如重擔壓喺如霧嘅存有。
有一種人福份優厚:
佢拍單翼就高飛到光明靜謐之境，
思想如雲雀馮虛御風，

衝向朝早嘅青空，
神遊於歲月，就算係繁花種種，
定無聲之物嘅言語，都了然於胸。

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。