翻译:惡之華/窮人之死

本作品收錄於《Translation:惡之華》

死亡先夠解慰，唉呀！佢帶嚟生機；
佢都係生命嘅目標，如妙藥靈丹，
係令我哋飛昇同迷醉嘅唯一希冀，
亦畀我哋鬥志走向夜晚

從風暴、冰雪、冷霜穿去，
係喺我哋黑暗地平線嘅震顫光輝，
係喺銘刻書上嘅著名逆旅，
先至可以飲食、入睡，同坐低；

有隻天使，佢具吸引力嘅手指
掌握住睡眠同狂喜幻夢嘅賞賜，
重鋪窮困同赤裸者嘅床；

呢個係上帝嘅榮耀，神秘嘅樓閣，
係窮人嘅饋贈，久遠嘅祖國，
亦係未知嘅天空上開敞嘅柱廊！

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。