翻译:惡之華/歡樂嘅死人

本作品收錄於《Translation:惡之華》

呢片土地有草木同蝸牛遍佈，
我想喺度自掘又深又闊嘅墓，
悠閒噉將我嘅骨頭細數，
再喺遺忘裡沉睡，似鯊魚身處浪濤。


我憎恨遺囑，又憎恨丘墳，
與其要哀求世界為我流一滴淚，
我更想請烏鴉喺我仲在生嗰陣，
從我卑鄙嘅撫摸吸乾晒血水。

蛆蟲啊！你係無耳無目嘅漆黑同伴，
睇下有個死人嚟啦，佢自由又騰歡，
狂歡嘅哲人，腐敗之子，

請你穿過我嘅廢墟，不帶悲切，
噉仲有冇其他折磨，你話我知，
係為老邁空殼、死屍中嘅魁首而設？

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。