翻译:惡之華/敵人

本作品收錄於《Translation:惡之華》

我嘅青春只係個黑暗嘅風暴，
間唔中有耀眼陽光照入嚟。
噉嘅亂局由狂風響雷營造，
我花園嘅熟成果實冇晒咁滯。

我已經觸碰到文思嘅深秋，
水將地下浸出大窿，似墳墓。
係時候執鏟同耙喺手，
再修復被浸壞嘅地土。

被洗刷嘅土壤彷如礫瓦，
有邊個知我夢見嘅新花，
會喺入面搵到神秘養分?
可憐啊，可憐啊，歲月唔留情，
侵蝕我哋心腸嘅敵人，
借我哋流出嘅血而繁榮!

 本译文与其原文有分别的版权许可。译文版权状况仅适用于本版本。

原文	本作品在全世界都属于公有领域，因为作者逝世已经超过100年，并且于1929年1月1日之前出版。
译文	本作品在全世界都属于公有领域，因為著作權所有者如此釋出。