Page:Harvard drs 54439402 十駁五辯歌.pdf/14

二辯看命

自古聖賢罕言命　因想者理最深奧
𠆧其智慧測賣梨　故此一生不敢道
可笑看命其先生　伊共聖賢大相左
㑚駛憑者八字頭　講的諸件都周到
或斷罷奶在不在　以及兄弟務幾個
或斷妻子共衣食　以及刑傷共尅破
全逢用喇江湖訣　騙𠆧七顚共八倒
可惜汝𠆧毛細思　隻隻落伊其圈套
毛想人生凡百事　上帝安排誰能告
滿紙浮詞不足憑　世人何用按將做