本页已校对
序言
在早好其國君學堯舜、好其臣子學伊尹周公、都載史記禮、乞後 世做模樣、仅務呆其國君學桀紂、呆其臣子、學王莽曹操、也載史 記禮乞後世做警戒、𠆧欲曉的一朝一朝其代總着讀者史記、仱 者萬國通鑑、是美國謝衞樓牧師所做其、先論創造天地萬物、都 是由上帝其大才能、以後論始祖得罪上帝、連累後代仔孫、仅講 挪亞時候、上帝降洪水、滅世間其呆𠆧、㑚留挪亞一厝八個𠆧、洪 水後、挪亞其後裔、興旺落示拿其平地、許一時禮起盡大其塔、意 思〬剝透底居住一堆、㑚上帝就亂伊其口音、駛伊散各處葤、發族 落普天下、仅論萬國興敗、皇帝好呆、以及諸凡風俗、地土、𠆧、乇、都 務講、㑚西國其𠆧梨中國傳道、翻譯聖經、教𠆧道理以外、仅做別 乇書、加𠆧其見識。
